السلام عليكم ورحمة الله وبركاته
وأخيرا انتهت بطولة جدة مونسترز.. وشفنا فيها ابداع من كل الشباب ..
والحمدلله النتائج كانت مرضية والكل اجتهد ونال على قد اجتهاده
--------------
نشوف السيارة الي عدلوا الشباب عليها .
----------
نشوف التحديات و تعديلات الشباب ..
----- تحدي كينج او مازدا ضد تريبل -----
تعديل تريبل
تعليقي على تعديل تريبلصراحة تعديلك جيد جدا .. وتشكر عل المجهود .. يعني كثير ناس لما يشوفوا انهم بيتحدوا كينج او انساهم او واحد محترف يخافوا او ييئسووا .. لكن عجبني انك تشجعت و قدمت تعديلك
الأشياء الي عجبني ::اللون حلو ..
الجنوط حلوة
البودي كت حلو نوعا ما .. بس الصدام الأمامي من اليسار محتاج تعدل تصميمه وترسم علىيه قطعة باليدوي عشان يكون مناسسب مع خط الأرضية او الـ Perspective
الجناح لا بأس به .. بس مختلف شوية عن زاوية السيارة..
حركة الكبوت جيدة .. بس يبغالك تركز اكتر ..فيها..
-----------------
ملاحظاتي::الكشافات الي فوق ..حركتها غريبة وتركيبها حلو .. بس ما تناسب ستايل السيارة بالمرة .. يعني طبيعي انها تتركب على جمس او همر .. او انك تحول السيارة كليا لشاحنة ...
التظليل الاخضر .. مش حلو بالمرة .. اللون غريب
عجبني انك قصيت السيارة من الخلف .. بس المشكلة انه الزجاج الي كان خلف الباب الخلفي لا يزال ظاهر من داخل السيارة !! .. يعني ادا ماقدرت تمسحه ا تعدله حاول انك تخفيه سواء
بانعكاس او ستيكر او غيره
عندك الخلفية ماهي مناسبة لزاوية السيارة او لو انك رفعت السيارة شوية فوق يمكن راح تزبط ..
برضو عندك الظل مو مناسب .. يعني ادا ماعرفت تعمل الظل الممسوح .. خلاص اعمل ظل وقصه قص عادي بعد ماتحدده.. وان شاء لله بعدين تقدر تسوي الظل الممسوح ..
ما فهمت ليش لونت الضوء الي تحت المراية اصفر
؟؟
وبالتوفيق يارب............
--------------------------------------------
تعديل كينج
تعليقي على تعديل كينجالأشياء الي عجبتني:::عجبني انك خليتها كوبيه باب واحد .. وانك قصيت السيارة من الجهة الخلفية ..
اللون روووعة.. كذلك الانعكاسات
عجبني انك ما حطيت انعكاسات الخطوط البيضاء.. لانها كدا صارت اقرب للواقعية ..
انعكاس البيت والسماء على الكبوت .. ادا انت ركبتهم 100 % من صنعك.. يعني صراحة رووووعة .. وواقعية.. وتذكرني بإحدى تعديلات roobi
كذلك انعكاس الزجاج برضو حلو ..
البودي كت من اجمل ما رأيت على هادي السيارة.. خصوصا انه ما شاء الله عليك عرفت تحط القطعة الصحيحة في المكان المناسب.. يعني مثلا فتحة التهوية حق الكامارو الي خلف الزجاج
.. او فتحات التهوية الموجودة في الصدام وفي الجنب.. والي فيها زعانف صراحة مرررة روعة والزعانف الي داخلها محليتها هواية
الجنوط والتايرات 100 % حلوة وراكبة صح .. ولاحظت انك خرجت التاير الامامي لبرا .. مدري هل سويت كدا لانه السيارة دفع أمامي ؟؟
الخلفية حلوة والوانها احلى ... كذلك الظل حلو وخصوصا انك رسمت ظل المراية
-----------------
ملاحظاتي::1)) حاول انك ماتحط فتحات وقطع كثيرة على الصدام الأمامي عشان يصير اوضح.. خصوصا القطعتين الي تحت الأضواء الأمامية لونها اسود غااامق ومختلف عن الوان القطع ..
2)) شايف انعكاسات الــ Horizon البيضاء ( خط الأفق ).. الي هيا موجودة فوق كل انعكاس غامق .. حاول انك تخفف تاثيرها او تخلي تاثيرها Soft light لانها فاقعة ومخلية السيارة
كانها Toon
3)) برضو حاول انك ما تخلي االإنعكاسات حادة Sharp.. يعني بعد ما تحددها وتضغط Make selection خلي العدد صفر فاصلة خمسة 0.5 او انك بعد ما تقص الانعكاس
استخدم اداة Blur tool على الاطراف المقصوصة عشان لا تصير دقيقية وحادة ..
4)) ما ادري هل ما اسعفك الوقت او شوو ؟؟ بس ماعجبني العشب الأخضر الي رسمته .. ليش ؟؟ بسبب الخط الأسود الي خلفه .. يعني كان المفروض انك تكبر مساحة العشب وتخليه مثل
الي على اليمين وتمسح الخط الأسود او تخفيه ..س
وبالتوفيق يارب
-----------------------------------------------------
----- تحدي كينج او مازدا ضد Al Nitro -----
طبعا النايترو انسحب...
تعديل كينج
تعليقي على تعديل كينجالتعديل سريع وانا عارف انه كنت مريض .. بس اكيد فيه اشياء عجبتني .
الي عجبني :::تغيير السماء مرة حلو ..
الجنوط مرة حلوة ..
اللون الأبيض مرة حلو ..
ستيكر كينج او مازدا حلو
الملاحظات::كل شي لون احمر ماعدا الجنوط والستيكر .. اقدر اقول عليه ( لا تعليق )
لون داخلية السيارة Ctrl + Shift +U اقدر اقول عليه ( لا تعليق )
غير كذا عجبني شجاعتك انك حاولت انك تعدل رغم مرضك وتعبك .. كثير غيرك والله ما يعدلوا
وبالتوفيق يارب ..
-------------------------------------------------------------
طبعا اول شي الفائو بالمركز الثالث هوا King of mazdaوالفائزين من التحددين التاليين نشوف اي تعديل هوا الاحلى ونخلي صاحبه ياخد المركز الأول ...
---------------
الفائز في تحدي كينج ضد تريبل هوا
King of mazdaالفائز في تحدي كينج ضد النايترو هوا
King of mazda---------------
يعني ألف مبرووووك ل
King of mazda على أخذه المراكز الثلاثة كلها عن جدارة ..
وبصراحة اظن انه أفضل معدل عربي
طبعا الكل فائزين لانهم حاولوا واجتهدوا والحمدلله على كل حال ..
---------
وبالتوفيق للجميع ..